Góð ráð til ferðina.

Her eru góð andaliga ráð til ferðina, eins og tað eru nøkur góð mental ráð til ferðina, tildømis:

Set tær mentalt fyri, at vera við og vera áhaldandi. 

Byrja og ven tankan um at byrja nýggjar rutinir. Flestu av okkum orka ikki tankan um nýggjar rutinur, tí tað krevur ein innsats. Tað hevur týdning at Sannføra teg sjálvan um at innsatsur hevur løn við sær

Byrja og fokusera á týdningin av at byrja dagin eitt sindur fyrr og væl. At byrja dagin væl, oftast tá onnur sova, hevur framgongd við sær á øllum økjum í lívinum.  

Lær teg lykla orðini og ven teg at brúka tey. 

Sum heild fokusera og lat einki distrahera teg

Ímynda tær tína menning

Set tær mál 

Hugsa positivt

Kill the ants (hetta kemur undir hugsa positivt) her meinast við teir tankar sum stíga seg upp, sum billa tær inn, at tað verður høpisleyst í tínum føri, at uppala teg sjálvan, at verða við hvønn dag og at klára 40 dagar. 

Hasar tankarnar mugu vit gera av við hvønn dag, ikki eina á hesi ferðini ella eina í samband við ferðina, men sum heild. 

Hví: 

Tí tú kemur ikki nógv longur enn hartil tú loyvir tær sjálvum at røkka. 

Man sigur innan fysiskari venjing, at møði ikki er úrsliti av kroppinum sum ikki orkar, men at tað heldur er heilin sum ikki tímir at spæla við meir. Fyri tey sum íðka ítrott hevur tað ovurhonds týdning, at heilin fatar, at tað er tú sum avgerð nær liðugt er liðugt. 

Sama er galdandi innan skúla og útbúgving. Nógv tey flestu okkara eru sannførd um, at støddfrøði er spælipláss teirra klóku, meðan flestu av okkum meiri býttu og tornomu nærum mugu klúgva eitt Mount Everest fyri at stríða okkum ígjøgnum. 

Veruleikin er at øll hava førleika at rokna, alt sum vit gera dagliga, byggir uppá støddfrøði loynivitskunar. Flestu av okkum stríðast við støddfrøði, eina tí, at tað var okkum fortalt, at rokning er eitt hugsunnar blóðbað og at rokning eina er fyri nøkur, fá, gløgg og útvald, meðan restin av okkum ikki eiga at síggja okkum før fyri útinna tað stóra økinum. 

Hattar er ein meyra sum má trakkast á og sum okkara børn mugu læra at traðka á. 

Tað sama tá kenslan uppstendur at tú ikki megnar at uppbyggja disciplin, ella náa tíni mál, ella at vera úthaldandi og áhaldandi. 

Hattar eru meyrir og tær verða óteljandi í talið komandi 40 dagarnar.

Set tær fyri at drepa allar slíkar mentalar meyrur hvønn einasta ein dag á ferðina.

Vælkomin á STEVN

 

Góði luttakari,

Vælkomin á STEVN

Hvat er gott at vita og seta seg inn í, áðrenn STEVN byrjar?

STEVN er ein avbjóðandi men mennandi, andalig ferð gjøgnum 40 dagar, har endamálið er at byggja nýggjar vanar, taka smærri, men fleiri persónlig og andalig stig og førka sinnið og hugsunnarháttin yvir á bíbilska kós.

Í roynd og veru, er STEVN ein blanding av kristnum lærisveinaskapi (discipleship) og lívsvenjing (Life coaching).

STEVN byggir á eggjandi orðini hjá Paulusi til unga lærisvein sín Timoteus í Fyrra brævinum til Timoteus, kapitul 6 versini 11-12:

“Men tú, maður Guds, flýggja frá hesum! Stevn eftir rættvísi, gudsótta, trúgv, kærleika, toli, spakføri! Stríð hitt góða stríð trúarinnar, gríp hitt æviga lív, sum tú var kallaður til…”

Fyrireika teg andaliga og mentalt

Av týdning longu dagar, áðrenn ferðin byrjar, er at fyrireika sinni til at næstu 40 dagarnir verða ólíkir vanligum døgum. Tíð og orka má leggjast í ferðina hvønn dag, og tað er neyðugt at hava ein innara longsul eftir at kenna Gud betur, atuppliva Gud sterkari og at líkjast Jesusi.

Tað hevur eisini týdning longu nú at fara at venja sinni uppá at verða við til fulnar og at vera áhaldandi, at:

• Koma opin
• Vera til reiðar at verða avbjóðað og at broytast
• Vera til reiðar at stremba eitt sindur
• Seta sær fyri at verða áhaldandi
• Fylgja mannagongdum
• Vitja bólkin hvønn dag
• Uppbyggja eitt virkið bønarlív
• Lesa tilfarið og hyggja at sjónfíluni hvønn dag
• Leggja orku og tíð í menningina

Vit, sum hava lagt STEVN til rættis, hava sjálvi verði ígjøgnum lívsferðina og hava stigvíst sæð at kristna lívið er at liva í frælsi og sigri dagliga, um vit læra at venda myrkrinum bakið og liva í ljósinum (Gud er ljós, einki myrkur er í Honum).

Fyri okkum er STEVN meiri enn ein verkætlan og eitt átak, vit síggja týdningin og potentiali í hvørjum einstøkum at kunna reisa seg andaliga og persónliga og vit fara at bera byrðarnar og avbjóðingarnar við tykkum hesar dagar. Vit fara biðja fyri hvørjum luttakara regluliga hvønn dag og verða tøk at samskifta við.

Sum kristin eru vit ætla, kallað og útgjørd til at reisa okkum úr myrkrinum og umstøðunum, at umbroytast, vaksa og sigra. Vit trúgva hasum og vit fara at leggja okkara lív í tykkum hesar dagar, sum liggja fyri framman.

Guds signing

Heitini á STEVN

1. Heitir sum tað loysir seg at seta seg inn í á STEVN (áðrenn STEVN veruliga byrjar)
2. Quest (Leitan: sipar til eina rannsøknarferð. Á STEVN eru vit á einari ferð í 40 dagar)
3. Ferðin (Føroyska orðið fyri Quest)
4. Fokus (video/sjónfílar sum verða løgd út hvønn dag á umleið 3-5 min). Hesir sjónfílarnir eru okkara fokus fyri dagin og kunnu innihalda sannleikar at grunda yvir fyri tann dagin, ella avbjóðingar fyri dagin.
5. Kraftarløta (dagliga bønarløtan)
6. A-rúmi (bønarrúmi/staðið, loynikamari har vit hava kraftarløtuna)
7. Kraftar-rúmi (sama sum A-rúmi)
8. Mannagongd (rutina) (rutina er alt avgerandi á ferðini)
9. Mál (á ferðini mást tú seta tær mál fyri dagin, fyri vikuna og fyri teir 40 dagarnar. Tú far amboðini og motivatiónina og andaligu orkuna frá regluliga bønarlívinum at arbeiða framm móti hesum málum)
10. Minnisbók, dagbók, journalur (eitt ark vit mugu printa út, ella kopiera á telduna, eitt pr dag, har vit planleggja dagin, seta okkum mál og fylgja við okkara framgongd á ferðini)
11. Avbjóðing (nøkur fokus innihalda avbjóðingar fyri dagin, tildømis at fyrigeva, ella uppmuntra onkran, ella at biðja alment á einum møti ella bønarbólki)
12. Grundan (tankar fyri dagin, tildømis hvør eri eg í Kristusi, hvussu kunnu mínar bønir broyta umstøður)
13. Lærisveinaskapur (discipleship) (at fylgja Jesusi, og gerast sum Jesus á øllum økjum í okkara lívið)
14. Lívsmenning (life coaching) eitt moderna orð fyri discipleship tá tað verður yvirført til lærisveinaskap, men við denti á mentoring og motivatión.
15. Endiliga fylgja við hvønn dag hvat rørir seg í bólkinum.